اجمل نكت مضحكة شعبية
اجمل نكت مضحكة النكتة والفكاهة احد الوان الفن الأدبي الشعبي في المنطقة العربية وقد تتناول الفكاهة العديد من المسائل الاجتماعية او تتناول اى من الموضوعات التى تهم العامة من الناس وفى هذا المقال يقدم موقع الماقه اجمل نكت مضحكة.
اجمل نكت مضحكة
- الفكاهة أو النكتة تعتبر واحدة من ضمن أنواع الأدب الشعبي المضحك، وقد عرفه النكتة في اللغة على أنها مسألة من المسائل اللطيفة التي تم إخراجها بإمعان وبدقة وبتفكير، وهي عبارة عن طائفة من طوائف الكلام الذي يضم لطيفة من اللطائف المؤثرة في القلب، حيث يقال مثلا نكت الشخص أي إن هذا الشخص أتي بطرفة أو أنه أتي ملحه في الكلام الذي قاله وقام من خلالها بإضحاك الآخرين .
- وبالإضافة إلى ذلك فإن النكتة تقال في بعض القصص أو بعض المواقف المعينة بطريقة طريفة، ومن خلال هذه الطريقة تؤثر على الملتقى الذي سيضحك من خلالها، كما أن النكتة لها الكثير جدا من المواضيع الساخرة، فمن الممكن أن تكون تاريخية أو أن تكون سياسية ومن الممكن أيضا أن تكون اجتماعية.
- وبالإضافة إلى ذلك فإن الأسلوب مهم جدا عند إلقاء النكتة، بل يعتبر الأسلوب أجمل من النكتة نفسها، لأن الأسلوب الذي يلقي به الشخص هذه النكتة والتعابير التي يفعلها هي التي تعطي روح الفكاهة، كما أنها تعطي أيضا جوا مناسبا من المرح على جميع المستمعين.
نكت شعبية
- النكتة تعرف بأنها ذات جمل قصيرة شعبية، بالإضافة إلى أن صياغتها صياغة عامية مضحكة وهي تقال بهذه الطريقة في أغلب الأوقات حتى يمكنها أن تضحك الحضور، ومن النكت الشعبية ما يلي:
- كان في مرة واحد مسطول شاف واحدة من الهنود موجود على جبينها نقطة حمراء، فراح قالها يا مدام خلي بالك إنتي بتسجلي فيديو.
- مرة واحد بيسال صاحبه إيه هي الهوايات اللي عندك خطرة؟ رد عليه وقال في بعض الأوقات بجاوب مراتي وهي متعصبة.
- كان في واحد غبي قوي ركب تاكسي في يوم وركب مراته قدام علشان السواق ما يبصش عليها في المراية.
- مرة واحد ندل اتجوز واحدة قصيرة وكل متزعله يروح يرفع المكياج بتاعها فوق الثلاجة.
- مرة في واحد بخيل قوي أبوه مات، فراح عشان يكتبله نعي، فقال لهم أنا عايز أكتب حاجة عندكم، قالوله، ماشي اكتب خمس كلمات،فقالهم اكتبوا رزق ينعي والده ، قالوله كدة لسالك كلمتين، قالهم اكتبوا كمان وبيصلح راديوهات.
- كان في مرة اثنين راحو البحر الشخص الأول صاد وكان الثاني ضاد .
- كان في مرة واحدة راحت تشتكي للدكتور فقالتله، يا دكتور أنا جوزي بيتكلم وهو نايم أعمل إيه؟ رد عليها الدكتور وقال لها دي حاجة بسيطة خالص اديله فرصة يتكلم وهو صاحي.
- كان في مرة واحد غبي أوي اشتري تاكسي جديد وكل ما حد يشاورله ويقوله تاكسي تاكسي، يقولهم اه مانا عارف ويضحك .
- مرة في واحد غبي سألوه قالوله، إيه هي أصعب حاجة في الدنيا؟ رد عليهم وقال، إنك تحلق دقنك وانت بتاكل لبان.
- مرة كان في واحد محشش قاعد في حصة إنجليزي فسأله الأستاذ وقاله، لما تيجي تقول لواحد تعال هنا تقول له إزاي بالإنجليزي، فرد عليه المحشش وقال له come here فسأله الأستاذ ثاني وقال له طيب لو عايز تقوله روح هناك هتقوله ايه؟ فرد عليه المحشش وقال له أروح هناك وأقوله com here.
- مرة استاذ عربي سأل مراته، تعرفي إيه عن النحو والصرف ؟ ردت عليه وقالتله إني أصرف الراتب بتاعك على النحو اللي يرضيك .
- مرة في واحد حرامي راح عشان يسرق بيت عجوز ففضلت تسرح شعرها نصف ساعة وهو مستخبي ومستنيها تنام، فلما نامت راح يدور على حاجة عشان يسرقها قعد يدور ملقاش حاجة قام رايح نشكلها شعرها وجري.
- كان في واحدة كسولة أوي اتجوزت واحد كسول أوي، وفي يوم رجعت من شغلها فقالته يا عثمان افتحلي الباب، رد عليها عثمان وقالها أنا مكاسل أقوم واعتبري نفسك طالق، فقعدت تعيط وتقول: يا ريتني جبت المفتاح من شنطتي .
نكت مصرية
- من المعروف أن الشعب المصري دائما يتميز بخفة الدم، بالإضافة إلى حسه الفكاهي، وهناك مجموعة من النكت المصرية المتداولة بين المصريين ومنها ما يلي:
- كان في مرة واحدة قامت من النوم مخضوضة فسألها جوزها قالها مالك يا وليه؟ قالتله شفت كابوس إني إترملت، رد عليها وقال لها بعد الشر إن شاء الله أنا وانتي لأ.
- كان في مرة واحد غبي أوي فقال لابن عمه في يوم، أمريكا تقدر تطلع للقمر وإحنا لازم نقدر نطلع للشمس، فرد عليه ابن عمه وقاله: بس الشمس حرارتها صعبة قوي فقال له: خلاص مفيش مشكلة خالص نطلع للشمس بالليل .
- كان في مرة واحد قرر أنه يكبر دماغه راح يقلع الجلابية معرفش.
- كان في مرة واحد ماشي فخبطته عربية والراجل اللي خبطه ادالع تعويض بقيمة ٥ آلاف جنيه، ففرح أوي وراح واقف وفاتح ذراعه بسكة القطر وقال للقطر تعالالي يا أبو الملايين تعالى.
- مرة واحد بيستهبل أوي اتجوز واحدة بردو بتستهبل أوي، وابنهم لما اتولد عمل فيها أنه ميت .
- كان في مرة واحد ناظر قال لأستاذ: هو ليه التلاميذ كلها اللي عندك بينطقوا حرف الجيم دال؟ ، فرد عليه الأستاذ وقاله معرفش واللهى دنا مدنن من الموضوع دا .
- مرة واحد بيسأل واحد وبيقوله: إيه هو الفرق بين الكمبيوتر وبين الحفرة؟ فرد عليه وقال له الكمبيوتر من ضمن الحاسب الآلي أما الحفرة حاسب لتقع.
- مرة واحد غبي وقع، فراح للدكتور واداله مرهم عشان يدهن مكان الإصابة، فخاد المرهم ودهن السلم.
- كان في مرة واحد قال لأبوه، أنا عاوز أكمل دراستي يابا بره، فرد عليه أبوه وقاله إيه المشكلة يا ابني روح قول لامك تفرشلك في الحوش برا بس خلي بالك أحسن تبرد.
- كان في مرة واحد بخيل أوي راح المستشفى عشان يزور أمه فقرأ لوحة كانت على الباب مكتوب على اللوحة ادفع، فقام قايل ربنا يشفيكي يا أمي يارب، هبقى أشوفها بقى لما تبقى ترجع البيت .
- كان في مرة نمر بيجري ورا عربية، طب ليه بقا عشان يعاكس النمرة.
- مرة واحد راح عشان يعزي في ميت فقابله صحبه على الباب، فقال له: ايه انت عزيت، رد عليه وقاله لأ عالسمنة الفلاحي.
- مرة واحد عجوز سمع الباب بيخبط فقال، مين؟ فرد عليه اللي بيخبط وقاله أنا حفيدك، قالة حتفيدني بأيه؟.
- مرة واحد فتح لمراته باب العربية، فقالتله، الله عليك لما بتكون رومانسي، قالها : اتنيلي طيب وانزلي الباب أصلا مبيفتحش إلا من برة .
- مرة واحد ميكانيكى
- مرة في واحد ميكانيكى اشترى في يوم سرير راح نام تحته.
- مرة واحد كان مسطول راح يكشف عند دكتور سنان فقاله الدكتور سنانك محتاجه تقويم، فرد عليه المسطول وقاله: بسيطة أوي يا دكتور بس محتاجه ميلادي ولا هجري ؟
- في مرة واحد فرفور مراته كانت بتولد فسمعها بتصوت على اخرها، قعد يصوت هو كمان ويقول أنا السبب أنا السبب.
- مرة واحد البيت بتاعه ولع فرح جاب مراته في المرة الأولى وطلع، وفي المرة الثانية رجع جاب ابنه وطلع، والمرة الثالثة دخل وطلع فاضي، وفي المرة الرابعة دخل بردو وطلع فاضي، فالناس سألته هو أنت بتدخل وتطلع فاضي ليه؟ قالهم بدخل اقلب حماتي واطلع .
نتناول فى هذا المقال اجمل نكت مضحكة وقدمنا لكم فى هذا المقال الكثير من النكات والفكاهات المضحكة وقدمنا لكم العديد من النكات المصرية نرجو ان يكون هذا المقال قد نال اعجابكم.
